You, cumo einiciante ne l stúdio de la lhéngua mirandesa, deseiaba conhecer algun mirandés an la mie tiêrra, Brasil. Talbeç nalgũa quelónia? Serie possible? Pregunto-me si nun hai mirandeses por eiqui, specialmente an la mie cidade, Campos dos Goytacazes/RJ.
Anquanto nun chega este die, cuntino a studar esta lhindíssima lhéngua, l mirandés.
===
ATUALIZAÇON: 13/03/2009 - 13:55
Acabo de ber alguns comentairos ne l post anterior. Stou mui agradecido pul ancentibo que m'han dado. I tamien acabo de saber que, si, hai mirandeses ne l Brasil. =) Oubrigado!
5 comentários:
Buonas nuites
An San Paulo si hai, pessonas que chegórun ende nos apmrecípios de la decada de sessenta: giente de la Çpeciosa i Angueira. No Estado de adonde bibes tamien hai giente de Cicuiro, nun sei adonde mas puodo tentar saber. L mundo ye pequerrico i hoije está todo na punta de los dedos.
Abraços
Pus mira you tamien te quiero dar ua palabrica d'animo. Cuido que até fui un de ls purmeiros a çcubrir l tou canto que deixeste l rastro na Biquipédia. Pul que beio yá bás bien ancarreirado cul Mirandés i solo hai que cuntinar.
Subre pessonas que fálen mirandés ne l Brasil cuido que si haberá, yá que l Brasil fui un çtino de algues mirandeses. You nun sei al cierto bien quien, mas pronto.
Alá, abraço
Cecílio
Haa subre la palabra pertuesa "colónia" la traduçon cuido que será quelónia. Al menos stá porqui: http://www.mirandadodouro.com/dicionario/traducao-portugues-mirandes/col%F3nia/
Hai mais palabras que ne l ampeço troca-se l "co" por "que": quemunicaçon, eiquenomie, quemer...
Cecílio
Oulá, Cecílio. Atentei antrar ne l tou blogue mas nun cunsegui. Anton, deixo la mie respuôsta eiqui. Spero que la lheias.
Purmeiro, pa agradecer-te pul ancentibo. Nun solo l tou, mas de to ls que me stan a ancentibar.
Segundo, pa agradecer-te pulas correçones ourtográficas =) Yê bien berdade que hai muitas palabras mirandesas que ampeçan por QUE- quando an pertués ampeçan por CO-, cum' an quemunidade, quemer, etc.
Un abraço,
Daniel. =)
Mira l miu e-mail ye cristovaopires@gmail.com. Subre l miu blogue, you tengo muitos i nun tengo nanhun. Peç-me que scribo porqui: http://beilar.wordpress.com/
http://assomadeiro.blogspot.com/
Tamien tiro retratos:
www.photoblog.com/sendim
Apuis tamien ando cula cambada baliente http://frolesmirandesas.blogspot.com/
Apuis tamien ando a badiar pula Biquipédia i Biquicionário i por adonde calha. A mantener l hi5(ne l Brasil cuido que se usa mais l Orkut mas ye parecido), tradutor, corretor l que seia.
You inda te digo mais, stás mesmo de parabienes. Hai giente até que diç: "Mirandés ó se mama de garoto ó nunca se daprende". Pul que beio stás a amostrar que esto ye ua mintira bien grande.
Subre las correçones ourtográficas bai-se caminando. You tengo 25 anhos mas solo tamien agora me agarrei a screbir mais. Naide nace ansinado i you que l diga.
Un abraço zde Coimbra que ye adonde you stou,
Cecílio
Postar um comentário