AZEDUME - Los Hermanos

Tira ess'azedume de l miu peito
I cun respeito trata la mie delor
S'hoije sin ti you sofro tanto
Tenes ne l miu pranto la certeza dun amor
Sei qu'un die la rosa de l'amargura
Fenecerá an rezon dun sorriso tou
Anton, l'ousura qu'un die sufocou la mie alegrie
Hai de ser l que morriu
Anton, l'ousura qu'un die sufocou la mie alegrie
Hai de ser l que morriu


Dai-m'outro biés d'eiluson
Puis la mie peixon tu nun cumpras mais cul tou mirar
Lhieba esse sorriso falso ambora
Ó fala agora qu'antendes l miu penar
La lhágrima que scorre de l miu peito
Ye de dreito, puis you sei que tenes un outro alguien
Mas pido qu'un die se pensares an trazer-me ls tous mirares
Faç-lo porque cumbén-te
Pido qu'un die se pensares an trazer-me ls tous mirares
Faç-lo porque cumbén-te

L LHIBRO DE LS DIES - Legião Urbana

Ousente l ancanto antes cultibado

Percebo l mecanismo andefrente

Que teima an resgatar sien cunfiança

L'eisséncia de l delito anton sagrado

Miu coraçon nun quier deixar

Miu cuorpo çcansar

I tou zeio amberso ye bielho amigo

Yá que l tengo siempre al miu lhado

Hoije anton aceitas pul nome

L quei purfeito antregas mas ye tarde

Solo darie cierto als dous que téntan

S'inda ambriagado pula fame

Eisatos tou perdon y tue eidade

L andulto a ti tomasse cumo bençon

Nun scondas tristeza de mi

Todos afástan-se quando l mundo stá errado

Quando l quei tenemos ye un catálogo d'erros

Quando percisamos de carinho, fuorça i cuidado

Este ye l lhibro de las flores

Este ye l lhibro de l çtino

Este ye l lhibro de nuossos dies

Este ye l die de nuossos amores

AÇPUIS DE LA CHUBA - Marcelo Bonfá

AÇPUIS DE LA CHUVA

(Marcelo Bonfá)

You quiero mirar al miu redror
I ber p'alhá de l que ls mius uolhos puóden ber
P'alhá de l cielo, p'alhá de l mar
I tener la certeza de que bou-t'ancontrar

Mira-me
Nuosso rumo cierto queda an outra direçon
Hai tiempos you sei qu'you nun sei bibir sien tou carinho
Nun me deixes squecer de todas nuossas bidas siempre juntos
I l feturo ye daprender a lher aqueilho que nun stá scrito

Son pequeinhos senhales an las nubres, an las streilhas
Quanta cousa, amor, bimos se perder
I quantas cousas ancontramos p'alegrar l coraçon
Nessas horas you chego a acraditar
Que ciertas bezes l melhor ye s'antregar a l'eiluson
Mais un pouco i l delor se bai
Bamos brincar la nuite anteira i rir de todo outra beç

Fecha ls uolhos, dá-me la mano
Que la chuba lhougo passa i l sol buolta a brilhar

You quiero mirar al miu redror
I ber p'alhá de l que ls mius uolhos puóden ber
P'alhá de l cielo, p'alhá de l mar
I tener la certeza de que bou-t'ancontrar

MEDO I L GUSTO (de Antonio Novaes)

Por quei inda gusto tanto de ti?
Son tantas cousas que pássan an la mie miente.
Suidade, buntade, l querer de star acerca... Stou carente.
Penso an las muitas cousas qu'acuntecírun i ne l medo de qu'acuntéçan de nuobo.
Penso an las muitas cousas que puóden acuntecer i l querer deilhas.
Quiero-te, eibito-te; cuido que la palabra ye: cunfuso.
Afinal, quei rezon ten l coraçon? L'eimoçon nun percisa de la rezon p'eisistir.
Ah! Coraçon, coraçon... L quei andas aprontando?
Querie tanto nun tener bisto-te de nuobo, tener oubido tue boç.
Querie que nun tubisses telifonado-me, mirado-me.
Querie qu'you nun tubisse bisto a ti.
Agora, quiero que l miu querer nun seia, nun eisista.
De nuobo, cunfuso. Eimoçon ye eilógico, zarrazoada i lhouca.
Lhoucura doce? Lhoucura sabor adrenalina? Lhoucura sabor "friu an la barriga" ó lhoucura sabor "ri cumo boubo l die anteiro"?

Cuido qu'antrarei an la dieta, mas nun correr l risco de spurmentar l amargo. Medo? Talbeç.

Outor: Antonio Novaes.

CRIOULO HAITIANO (KREYÒL AYISYEN)

Faç poucos dies qu'un grande terramoto çtruiu l Haiti, ne ls alredores de Puorto-Príncepe, sue capital. Outoridades dízen que mais de 250 mil pessonas morrírun, anfelizmente.

Ind'assi, algo antressante chamou la mie atençon: la lhéngua falada ne l Haiti, l crioulo haitiano. Ye un crioulo de base francesa falado por quaije to la populaçon de l Haiti (8,5 milhones), habendo inda cerca de 3,5 milhones d'eimigrantes que fálan l crioulo haitiano noutros países, tales cumo l Canadá, ls Stados Ounidos, Fráncia, la República Domenicana, Cuba, i las Baamas.

Muitos haitianos fálan trés lhénguas: l crioulo, l francés i l spanhol. L'outra lhéngua oufecial de l Haiti ye l francés, lhéngua an la qual l crioulo de l Haiti se baseia, sendo que 90% de l sou bocabulairo ben dessa lhéngua. Outras lhénguas tamien anfluenciórun l crioulo haitiano, dentre las quales l taino (natibo de l'ilha), alguas lhénguas de l lheste d'África (wolof, fɔn, eʋe), l pertués i l spanhol.

Zde 1961, por sfuorços de Félix Morisseau-Leroy i outros, l crioulo haitiano fui reconhecido cumo lhéngua oufecial al lhado de l francés, que fura até anton l'única lhéngua lhiteraira zde l'andependéncia dessa nacion an 1804. Zde l scritor Morrisseau-Leroy, sou uso lhiterairo ben crecendo, ambora inda seia pequeinho. Zde la década de 1980, atebistas, dentre ls quales eiducadores i scritores, bénen anfatizando l ourgulho de la lhiteratura crioula, habendo neste seclo XXI muitos jornales, porgramas de telebison i de rádio an la lhéngua.

EISEMPLO DE TESTO AN CRIOULO HAITIANO

Crioulo Haitiano

Tout moun fèt lib, egal ego pou diyite kou wè dwa. Nou gen la rezon ak la konsyans epi nou fèt pou nou aji youn ak lot ak yon lespri fwatènite (Atik 1 nan Deklarasyon Inivèsèl Dwa Moun).

Francés

Tous les êtres humains naissent libres et égaux en dignité et en droits. Ils sont doués de raison et de conscience et doivent agir les uns envers les autres dans un esprit de fraternité (L'article 1 de la Déclaration Universelle des Droits de l'Homme).

Mirandés

To ls seres houmanos nácen lhibres i eiguales an dignidade i an dreitos. Dotados de rezon i de cuncéncia, dében agir uns para culs outros an sprito de fraternidade (Çclaraçon Ounibersal de ls Dreitos Houmanos).

Para oubtener mais anformaçones subre l crioulo haitino, besita la lhigaçon http://pt.wikipedia.org/wiki/Crioulo_haitiano (an pertués).

L QUEI FAÇ L ARREPENDIMIENTO

THE REASON - HOOBASTANK I'm not a perfect person / There's many things I wish I didn't do / But I continue learning / I never meant to do those things to you / And so, I have to say before I go / That I just want you to know / I've found out a reason for me / To change who I used to be / A reason to start over new / And the reason is you / I'm sorry that I hurt you / It's something I must live with everyday / And all the pain I put you through / I wish that I could take it all away / And be the one who catches all your tears / That's why I need you to hear / I've found out a reason for me / To change who I used to be / A reason to start over new / And the reason is you / And the reason is you / And the reason is you / And the reason is you / I'm not a perfect person / I never meant to do those things to you / And so I have to say before I go / That I just want you to know / I've found out a reason for me / To change who I used to be / A reason to start over new / And the reason is you / I've found out a reason to show / A side of me you didn't know / A reason for all that I do / And the reason is you

La Rezon - Hoobastank

You nun sou ua pessona purfeita

Hai muitas cousas qu'you gustarie de nun haber feito

Mas you cuntino a daprender

You nun pretendie fazer-t'aqueilhas cousas

I anton you tengo que dezir antes d'ir

Qu'you solo quiero que tu sabas

You ancontrei ua rezon pa mi

Pa demudar quien you questumaba ser

Ua rezon p'ampeçar outra beç

I la rezon sós tu

You sinto muito haber-te magoado

Ye algo cula qual debo cumbiber to ls dies

I to delor qu'you causei-te

You gustarie de poder retirá-la cumpletamente

I ser aquel qu'apanha to las tues lhágrimas

Ye por esso qu'you perciso que scutes

You ancontrei ua rezon pa mi

Pa demudar quien you questumaba ser

Ua rezon p'ampeçar outra beç
I la rezon sós tu
I la rezon sós tu
I la rezon sós tu
I la rezon sós tu

You nun sou ua pessona purfeita

You nunca quijo fazer-t'aqueilhas cousas

I anton you tengo que dezir antes d'ir

Qu'you solo quiero que tu sabas

You ancontrei ua rezon pa mi

Pa demudar quien you questumaba ser

Ua rezon p'ampeçar outra beç

I la rezon sós tu

You ancontrei ua rezon p'amostrar

Un lhado miu que nun conhecies

Ua rezon pa to l que fago

I la rezon sós tu

PERSENTAÇON OUFICIAL DE L JOGO CATALUNHA-ARGENTINA

"Fazeríemos un buon trabalho ne l Mundial: la metade de ls jogadores spanholes son catalanes" - Johan Cruijff.

'Que trema l stádio!'. Cun este slógan ouriginal, la Federaçon Catalana de Futebol apersentou ouficialmente esta manhana an la Sala Paris de l Camp Nou, Catalunha, l jogo de la próssima terça-feira, die 22 de Dezembre, a las 20:30h, ne l Stádio. Las antradas custaran antre 15,00€ i 30,00€ cun çcuntos para colaboradores i grupos de la Plataforma (puodes cunsultar-lo eiqui).

A la cerimónia assistírun: Jordi Casals, persidente de la Federaçon Catalana de Futebol; Johan Cruijff, selecionador nacional catalan; Anna Pruna, Secretaira Giral de l Çporto; i Roberto Mori, cónsul de l'Argentina an Barcelona.

Johan Cruijff splicou que fazerá ua cumbocaçon "curta i culs melhores pa la ressonáncia mundial que tenerá i l potencial de l ribal". Cruijff spera jogar "cumo l Dream Team ó cumo l Braça de Pep, que you tamien gusto muito".

L astro houlandés cunsidera que la "Catalunha ten un einorme potencial futebolístico. Solo hai que ber la seleçon spanhola, formada la metade por catalanes. Esso te permite fazer ua eideia de l buon trabalho que poderíemos fazer nun Mundial". Jordi Casals, pula sue parte, splicou que trazer l'Argentina custa pouco más de 1 milhon d'ouros, mas nun dubida que "se l stádio s'anche, la recuperaremos i, anclusibe, teneremos lhucro".

Xavier Venyals, persidente de la Plataforma, assistiu l cerimónia donde la Plataforma bestiu l sou logotipo an dambos ls cartazes comemoratibos de l jogo, cumo an l'eimaige de l painel atrás de pessonalidades que falórun. Ua demostraçon de l buon sentimiento qu'eijiste antre las dues antidades.














Fuonte: www.seleccions.cat