CAMPOS REPERSENTA L BRASIL AN LA NASA

De la redaçon de l http://www.campos.rj.gov.br/
Foto: Babak Tafreshi


Foto de l cielo de Campos feita por un astrofotógrafo eiraniano repersenta l Brasil an la Nasa

L sítio Astronomy Picture of the Day (http://apod.nasa.gov/apod/), de la Nasa, que seleciona diairamente fotos de l cielo de l mundo, publicou ne l die 9 de Maio ua foto de l cielo de l Brasil, más percisamente de l munecípio de Campos dos Goytacazes. La foto fui feita an l'Ounidade de Pesquisa de l Anstituto Federal Fluminense (IFF), an Martins Lage, pul jornalista científico, astrofotógrafo i coordenador de l porjeto anternacional "The World at Night", l eiraniano Babak Tafreshi, durante l II Ancontro Anternacional d'Astronomie i Astronáutica, realizado antre ls dies 17 i 20 de Abril ne l IFF, cul apoio de la Fundaçon Cultural Jornalista Oswaldo Lima (FCJOL).

Babak Tafreshi cuntou porquei feç la foto de l cielo de Campos, que fui publicada ne l sítio de la Nasa. "Fui un persente q'you deixei pa la cidade de Campos, q'acolhou-me muito bien". L coordenador de l Clube d'Astronomie Louis Cruls, Marcelo de Oliveira Souza, abaliou l acuntecimiento cum'un marco an la stória d'Astronomie, an Campos.

— La cidade de Campos stá siendo dibulgada anternacionalmente por meio de l'Astronomie. Ye la purmeira beç, ne ls últimos anhos, que la nuossa cidade ye bista an to l mundo pul uolhar dun fotógrafo strangeiro — garantiu. Ne la berdade, ye la purmeira beç que la Nasa publica ua foto de l cielo de l Brasil feita por un strangeiro.

L persidente de la Fundaçon Cultural Jornalista Oswaldo Lima, Avelino Ferreira, çtaca l'amportáncia de la foto de l cielo de Campos tener sido publicada ne l sítio de la Nasa. "Isto ye cunsequéncia de l Ancontro Anternacional d'Astronomie, que fui apoiado pula Fundaçon. L próssimo passo agora ye anstalar un Ousserbatoiro i un Planetairo ne l Solar de l Coleijo, que ten l ambiente faborable a l'ousserbaçon de ls astros. To la cidade de grande i médio porte ten un Ousserbatoiro i un Planetairo i yá stá an la hora de Campos tener un. You acredito an la sensibilidade de la prefeita Rosinha p'alcançarmos este oubjetivo", anfatiza Ferreira.

9º ANHO AN MIRANDÉS :: 1º JÚRI NACIONAL DE CERTIFICAÇON DE CUMPETÉNCIAS AN LHÉNGUA MIRANDESA

Straído de l sítio http://frolesmirandesas.blogspot.com/.

Ls que teneis un lhápeç a la mano fazei ua ruodra an buolta de l die 9 de Junho de 2009, que bai a ser un die amportante pa la stória de la nuossa lhéngua.

Albertina de São Pedro i Luís Silva ban a fazer (AN LHÉNGUA MIRANDESA) l Júri de Certeficaçon de l sou Porcesso RVCC (Recunhecimiento, (V)Balidaçon i Certeficaçon de Cumpeténcias ne l CNO (Centro Nuobas Ouportunidades) de l Anstituto Piaget, an Macedo de Cabaleiros, que le dará dreito a un certeficado d'habelitaçones, pa to ls eifeitos, eiquibaliente al 9º anho. L júri será ourientado pul porsor Amadeu Ferreira, que you çcunfio que ye un tiu de que bós yá oubistes falar.

Pus claro que queda tod'mundo cumbidado, diç que yá somos tan poucos, mal será que se encha la casa!...

L Porcesso RVCC ye ua de las maneiras de las pessonas tenéren un certeficado ó diploma drento de las Nuobas Ouportunidades. Trata-se de zambolber un portefólio, adonde quéden spelhadas las bidas de las pessonas: l que bibírun, l que daprendírun, l que sáben fazer, pa que le poderá serbir i cumo poderán alhargar esses saberes. L porcesso acaba-se cul Júri de Certeficaçon, adonde esses trabalhos son apersentados. Quien quejir saber mais, puode antrar, cumo tal, eiqui.

Yá miles de pessonas fazírun este porcesso, mas la nuobidade cun Albertina i Luís ye que l sou porcesso fui todo zambolbido an lhéngua mirandesa, l sou portefólio stá todo screbido an Mirandés i l sou Júri de Certeficaçon tamien bai a ser an mirandés, de maneira que se puode dezir que ye l purmeiro certeficado/diploma passado pul sistema d'ansino pertués tenendo cumo sustentaçon solo la lhéngua mirandesa, ó, dezido dua maneira mais simples, Albertina i Luís fazírun l nono anho an Mirandés!

I peç-me que nun será abuso dezir que, p'alhá de la certeficaçon de las pessonas, tamien ye l mirandés quien bai a ser certeficado, cumo lhéngua de tanto balor cumo las outras, seia pa l que fur, seia pa cerrar l portielho, seia pa ir a la scuola.

Fui un porcesso lhargo, hai mais d'un anho q'ándan nisto (quando hai quien faga l porcesso an 2/3 meses) i hai que dar ls parabienes a quien ls merece: a la ANQ (Agéncia Nacional pa la Qualificaçon, que ye la chefa de todo l que respeita a las Nuobas Ouportunidades), que tubo la coraige d'outorizar este porcesso; al Anstituto Piaget, por haber apostado ne l mirandés i saber andar delantre de ls outros ne l que respeita a zambolbimiento i ansino; i, an special, a Albertina i a Luís, estes dous “boubicos” mirandeses, por habéren puosto de pies mais este “menhir” ne l camino yá tan lhargo de l mirandés, sien miedo que l cielo le caíra anriba de la cabeça!

Ah, i yá se me iba squecendo de l más amportante: Albertina i Luís son de San Pedro, bandita tierra que bota assi fruitos destes, quando ls outros ban cun l trigo, yá eilhes bénen cun la farina.

LHÉNGUA MIRANDESA A LA SUOLTA NE L CARTAXO

Bídeo de l sítio O MIRANTE.TV:

La lhéngua mirandesa fui la streilha de la palhestra que Amadeu Ferreira, porsor de Dreito ne l'Ounibersidade de Nuoba Lisboa, nacido an Sendin (Miranda de l Douro), dou esta sesta-feira ne l Cartaxo pa ls alunos de la scuola secundaira...

Bei l bídeo: http://videos.sapo.pt/3Zt9RneLIDf5yPVz0O5n

SKYPE AN MIRANDÉS

"L Skype stá çponible an Mirandés. Pa quien nunca scuitou falar de l porgrama, cun el ye possible telifonar de cumputador pa cumputador de grácia (atençon que nun ye piratarie). Pa telifone ó telemoble tamien dá (cuido que de grácia solo un cacho i apuis ye perciso €€)..."

Bei eiqui: http://frolesmirandesas.blogspot.com/2009/05/skype-mirandes.html

La lhigaçon ye http://skypemirandes.pt.vc.

Grácias a la upa de l Cecílio, de l blogue Froles Mirandesas, esso tornou-se possible. Muito oubrigado!

ŨA GUAPA MÚSICA: YOU SEI QUE BOU-TE AMAR

YOU SEI QUE BOU-TE AMAR
(Tom Jobim / Vinícius de Moraes)

You sei que bou-te amar
Por to la mie bida you bou-te amar
An cada çpedida you bou-te amar
Zesperadamente, you sei que bou-te amar

I cada berso miu será
Pa te dezir qu'you sei que bou-te amar
Por to la mie bida

You sei que bou chorar
A cada ouséncia tue you bou chorar
Mas cada buolta tue hai d'apagar
L qu'esta ouséncia tue me causou

You sei que bou sufrer l'eiterna zbentura de biber
A la spera de biber al lhado tou
Por to la mie bida

2º ANCONTRO ANTERNACIONAL D'ASTRONOMIE I ASTRONÁUTICA (II) - PALHESTRA I LHANÇAMIENTO DE L FOGUETE

L lhançamiento de l foguete ne l IFF Fluminense-Campus Guarus, an Campos, fui un sucesso! Bei l bídeo i algues fotos.




Exibir mapa ampliado
Lhocal aprossimado de l lhançamiento de l foguete.


You i l'ampresaira eiraniana Anousheh Ansari, la purmeira mulhier turista spacial.

You tube (nun ye purpaganda de l sítio de bídeos haha) que ser más sperto qu'el puis el staba mui acupado i nun me daba atençon. ;) Este ye l Marcos Pontes, l purmeiro astronauta brasileiro.

2º ANCONTRO ANTERNACIONAL D'ASTRONOMIE I ASTRONÁUTICA

Nua cumbençon, s'ancuntrórun un uruguaio, un bolibiano, un stadounidense, un eiraniano, un eimiratense, un indiano, un cubano...

2º ANCONTRO ANTERNACIONAL D'ASTRONOMIE I ASTRONÁUTICA

"L 2º Ancontro Anternacional d'Astronomie i Astronáutica que será abierto hoije, ne l [Triato] Trianon, a las 7:00 PM, a prosseguir anté l die 20, ne l IFF (CEFET[-Campos]), adonde oucorirron ls cursos, palhestras i oufecinas, será l maior eibento yá realizado ne l Brasil nessa ária. L'afirmaçon ye de l físico i astrónomo Marcelo Oliveira Souza, de l Clube d'Astronomie Louis Cruls que s'ancuntra ne l Riu de Janeiro, adonde fui recepcionar ls astronautas i astrónomos strangeiros que chegórun pula manhana i staran an Campos [dos Goytacazes] nesta sexta-feira, a partir de las 7:30 AM.

A las 7:30 AM un grupo de strangeiros stará siendo antrebistado ne la TB Litoral, i outro ne la UniTV. A las 2:00 PM, l'astronauta eiraniana Anousheh Ansari (انوشه انصاری), strela de l ancontro (juntamente cun [l astronauta brasileiro] Marcos Pontes), bai ancuntrar-se cun porsores i alunos de l CIEP munecipalizado de l [bairro] Parque Aurora. A las 3:00 PM, alhá mesmo, será cuncedida ua antrebista coletiba pa to l'amprensa.

A las 7:00 PM, cun la perséncia de la prefeita Rosinha Garotinho i de to ls astronautas i astrónomos brasileiros (de bários stados) i strangeiros (Uruguai, Bolíbia, Stados Ounidos, Eiran, Eimirados Árabes Ounidos, Índia, Cuba), l [Triato] Trianon deberá star cheno pa la sesson d'abertura de l eibento, l'orquestra sinfónica de l Centro Cultura Musical tocando alguns clássicos i ls hinos nacional i lhocal i palhestra de Anousheh Ansari.

Marcos Pontes, l único astronauta brasileiro, stá benindo de ls Stados Ounidos i chegará ne l sábado. Ambora anunciado, el nun poderá chegar a tiempo pa l'abertura. Cumo "garoto-porpaganda" de la Lego, el benirá cul persidente de la Lego ne l Brasil i bai ourganizar un torneio de robótica, cun premiaçon als bencedores que acuntecerá ne l IFF.

Ne l sábado será lhançado un foguete produzido eiqui an Campos, an parcerie cul IFF (CEFET), ne l'ounidade de Guarus. Ls ninos tamien daprendiran a fabricar foguetes cun garrafa Pet i auga, que soben anté 30 metros. Pa l'ária d'eiducaçon, haberá cursos i oufecinas pa porsores, ne l'ária de l'astronomie i astrofísica. Las anscriçones puoden ser feitas ne l CEFET anté ne la hora de l eibento, ne l sábado.

L 2º Ancontro Anternacional d'Astronomie i Astronáutica ye ua realizaçon de l Clube d'Astronomie an parcerie cul IFF (CEFET), Prefeitura de Campos dos Goytacazes (bia Fundaçon Cultural Jornalista Oswaldo Lima), CNPq, MEC, ICRA de l Brasil i Astrónomos Sien Frunteiras, antidade sediada ne ls Stados Ounidos".